Dagur 4

Vöknuðum kl. 8 og Heiða spennt því í dag á hún að fá sína fyrstu stofnfrumusprautu.

Morgunmaturinn var ristaðbrauð, egg og kornflex. Sleppur, svoldið erfitt fyrir Heiðu sem hefur síðustu 2 árin alltaf fengið sér ristaðbrauð með rækjusalati og osti……….já hvet ykkur til að prófa.

Fórum niður um kl 10 og Heiða fékk sína fyrstu sprautu og það gekk vel, þeir segja að fyrstu dagarnir eftir að hún er byrjuð að fá stofnfrumur þá gæti hún orðið þreytt og slöpp (þarf ekki að vera) það tekur líkaman smá tíma að samþykkja frumurnar. Allskonar ofnæmistest eru tekin og alltaf verið að kanna blóðþrýsting og súrefnisflæðið í blóðinu.DSC00377

Eftir sprautuna fórum við niður og Heiða fór í sjúkraþjálfun, sem gekk vel. Dr. Dipin lætur hana ganga og er með spegil fyrir framan hana og það finnst Heiðu gott. Hún kom með spelkunar sem smíðaðar voru heima og notar þær. Eftir sjúkaraþjálfun fórum við upp á herbergi í hádegismat. Höfðum smá tíma eftir mat til að fara í tölvuna og skrifa svoldið og kíkja á allar kveðjurna á facebook. Mikið er gaman að fá allar þessar kveðjur og það er Heiðu miklil hvatning að heyra þær. Takk fyrir allar fallegu kveðjurnar.DSC00386

Svo var það iðjuþjálfun kl 14:45 hjá Dr. Akshy, hann lætur hana gera allskonar hluti og lætur hana humma lög og vill að hún tali hærra en það hefur alltaf verið vandamál hjá Heiðu. Eftir iðjuþjálfun vorum við búin. Fórum upp að græja og gera og Stefan kom til okkar, hann er frá Þýskalandi og er með svokallaðan Lyme sjúkdóm sem maður getur fengið af biti af einhverri pöddu. Þetta er nokkuð algengt í USA og svoldið af þessu í Þýskalandi og þetta getur farið ferlega illa með fólk. Þvílík óheppni. Við spjölluðum smá, þetta er hans annað skipti hér og læknirinn hans benti honum á að koma hingað.

Svo var það kvöldmatur, Linda og Gunni skypuðu og spjölluðu við okkur og sögðu okkur að vorið væri að gæjast til Íslands en það voru aðeins 36 gráðu hiti hér í dag og fer hækkandi skilst mér á næstu dögum…………………….myndi segja að vorið væri komið hér. Hringdum aðeins heim í gegnum Viber sem er algjör snilld og þegar netsamband er gott heyrist mjög vel.

Bestu kveðjur úr hitanum.

Heidi and Snorri out……………:)

2 thoughts on “Dagur 4

  1. Hæ elsku frænka, gaman að geta fylgjast með ykkur , gangi ykkur sem allra best í þessari vegferð og vertu áfram svona jákvæð.

  2. Elsku Heiða og Snorri. Gott að vita að þið eruð komin á leiðarenda og ferlið hafið. Vonandi fer hitinn vel í ykkur og líka maturinn 🙂
    Kv. Laufey og Sigfús í Keflavík.

Leave a Reply

Your email address will not be published. Required fields are marked *