Laugardagurinn 25. april, jarðskjálfti í Nepal og fannst vel í Delhi

Laugardagsmorgun hér í Nýju Delhí og við komin  á ról um kl 8. Iðjuþálfun kl.10 og sjúkraþjálfun kl. 11. Heiða er ekki góð í maganum en borðar samt morgunmatin og við erum aðeins of sein í iðjuþjálfun, gerist á bestu bæjum.

Á meðan Dr. Dipin var að teigja Heiðu skrapp ég aðeins út með myndavélina, fór yfir götuna hér fyrir framan og smellti nokkrum myndum. Það er verið að byggja 3 hús hérna rétt hjá og það er ótrúleg sjón að sjá, þetta er svo gamladags. DSC00493Verkamennirnir sem vinna við húsin búa í þeim á meðan á byggingu stendur og það eru oft heilu fjölskyldunar, börnin alast upp við þetta og verða svo sennilega verkamenn einnig. Hér vinna konurnar alveg á við karlana og þær bera og þræla eins og þeir. Verkfæri gamaldags og notast við steypuhrærivélar til að steypa allt, hræra á staðnum og bera allt efni í vélarnar, yfirleitt allt borið á höfðinu.

Þegar ég kom til baka var Heiða að ganga með göngugrindina og núna gekk henni sko vel, skrefin hennar voru góð og hún stóð upprétt og bein, Dr. Dipin var hæðstánægður með hana, góður tími í sjúkraþjálfun………..frábært…………og svo þegar Heiða er að setjast í stólinn kom jarðskjálfti, vá spes, þetta var ekki stór skjálfti en fannst vel. Það hrundi ekkert úr hillum né datt af veggjum en allir þurftu að fara út í smá stund og fólk var skelkað, eðlilega.DSC00517 Það var stór skjálfti í Nepal 7,9 á ricther og þar fór allt í klessu, sem betur fer er Nýja Delhí svoldið frá Nepal svo þetta var ekki mikið hér. Sem betur fer.

Við fórum aðeins út og sátum fyrir framan húsið, Heiðu finnst gott að fara aðeins í sólina, pössum okkur  að vera ekki of lengi. Fengum okkur að borða og svo fórum við í göngutúr um hverfið. Fórum nú að kanna nágrennið betur, gengum götu sem við höfum ekki gengið áður og það var auðvitað ævintýr. Umferðin brjáluð og mjög erfitt að komast með hjólastólinn um og á miðri leið komumst við ekkert lengra vegna stólpa sem var búið að setja á miðja gangstéttina og stóllinn komst ekki á milli, þá var annaðhvort að snúa við eða taka svona þrönga hliðargötu, sem við gerðum, þar var fullt af litlum búðum með allskonar drasli og ógeðslegum búllum, kannski kaffihús og svo við hliðina á því móturhjólaverkstæði með tilheyrandi olíu lykt, svo kom kannski saumastofa og svo dekkjaverkstæði………og tala nú ekki um flugurnar út um allt…………..þetta er svo magnað að maður er eiginlega orðlaus yfir þessu.DSC00540 Jæja við komumst út úr þessu og fórum á Green Park götuna og kíktum á kaffihús og svo kom maður að okkur og fór að spjalla við okkur og vildi vita allt um Heiðu og hvaðan við kæmum og svoleiðis. Mjög almennilegur og lét okkur fá nafnspjaldið sitt og sagði að ef hann gæti eitthvað hjálpað okkur þá ættum við bara að hringja, var alveg rosalega almennilegur og óskaði okkur allt það besta…………………..gaman að þessu. Fórum í kökubúðina og keyptum köku, það er nú einu sinni laugardagskvöld og því ekki að troða oreo köku í sig og njóta…..hehehe………….Já ástin mín elskar kökur……komumst heim heil en nokkur flugnabit komin í hús. Það er mikið glápt á okkur þegar við röltum um hverfið en allir sem við hittum eru mjög vingjarnlegir við okkur.

Heidi and Snorri……………..eating cake….;=)

Leave a Reply

Your email address will not be published. Required fields are marked *